لابارك الله بالعناد اللي يفرّق بالقلوب
خل العناد اللي ترك قلوبنا كلّن بصوب
يعوّضك عن غيبتي ويذوّقك مر البعااااد
لاتنتظر من السموم ذعذاع اوهبّة هبوب!
النار لو صارت رماد,, مايدفي البرد الرماد
أنا الجسد اللي لبس حزنه مثل لبسن وثوب
وانت العيون الي تعبت تبحث عن طيوف الرقاد
أنا مثل مذنب عجز, يكف عن ذنبه ويتوب !!
وإنت الضعيف الي شكى حزنه الى رب العباد
أنا وأنا اللي رأت شمس المحبة في غروب
وإنت الذي شفت الشعاع يذوب في بحر الوداد
أنا الحزينه اللي بكت في صوتها العذب العذوب
وإنت الحزين اللي اكتفى في (نظرة الي مإستفاد)!
إنته وأنا من عمرنا,,ماشفنا للفرحة دروب !!
يمكن مشينا خطوتين وعقبها تهنا وباااااد ...
يمكن خلاص إنه انتهى حبّن بدى بعدّة خطوب
لا والله انه انتهى ماهو بيمكن .. لا وكاااااااااد !
شربنا من كاس الأسى كوبن ورى كوبن وكوب
يكفي وصلنا للشبع ,, مانبغى اكوابن جداد ....!
|إرحل وانا برحل عسى ربي يريح بالقلوب ...
اللي إنغلب فيها الغلا قدام حضرة العناد ...!!